EMPAT SAJAK SUNDA WILLY FAHMY AGISKA

HAR

Ngetém di angkot Stasion-Lembang
setengah jam.

Ngetém di haté manéh
tekor umur sorangan.

Nggeus atuh, rup.
Tong ngiriman waé papan ketik
atawa sajak ka haté aing. Rudet.

Kop lebok,
nasib mah anu manéh.

2021

CUNGUR

Masih betah kénéh ning, mandi beurang
di wc luar kosan euweuh saungan
(jiga haté manéh pisan)

Tuh, tempo ku sia nepi edan.

Langit heurin ku awan
jeung beungeut-beungeut babaturan
ngagarantung, kakalangkangan, laliwatan.

Cungur, euweuh hirup anu bebas.

2021

LATIHAN NGETIK
STATUS DEUI

Hey, Zuckerberg

Di mana manéh
nunda uteuk ti basa
jeung haté aing siah,
di mana

Tong olo-olo kitu lah.

Cik, ménta aplikasi.
Loba teuing leungeun
paridato, rudet.

2021

BUND

Ari si bakékok kamana, bund?

Naha bet ayeuna mah
meni euweuh san ngahudangkeun lah.

Sakalian wéh atuh
tutupan ku daun cau aing téh.

(Ti beulah ditu, joljol aya loba “bakékok”
cenah, ceuk cungur-cungur hayam batur)

Koplok

2021

Willy Fahmy Agiska, lahir di Ciamis, taun 1992. Sapopoé mancén gawé di Bandung jadi rédaktur sastra Buruan.co. Sok aktip di komunitas sastra ASAS UPI. Seseringna nyerat puisi dina basa Indonésia, bari sasakali nyerat puisi dina basa Sunda. Buku kumpulan puisi basa Indonésia-na, Mencatat Demam (2018, Kentja Press) kungsi dilélér hadiah sastra Hari Puisi Indonésia katégori “Buku Puisi Terbaik Anugerah HPI 2019”.

Email: willyfahmyagiska@gmail.com
No. Hp: 089627002433 (Whatsapp) atau 081211830880 (Telepon)